هيئة التحرير / آراء
موطور سرع من الوقت شاعل كيف الزمان تركيبته الهكيلية خفيفة ماشي ثقيل ماتابتش وكابل فران أنت و ماجاب الله ..كثر فمراكش ثمنه مناسب مليون و شي عشرلاف و كتاخد معاه كاسك و شي هدية اخرى..
اسورنس كدوز في اسطونة 49 ولكن راه غير سلك و عدي ..بولة ديالو حسن من ضو ليكاين فتيرانات القرب ..كتلقاه بالسرعة لي فيه ديما مقلوب او داير شي كسيدة ..كيستهوي اصحاب السرعة و البوز والاستعراض وحتى لي ماعندهم جهد للماطر الكبار مالاين بلايك كبيرة ..مؤخرا انتشر بكثرة في السوق المغربية وسيما فمدينة مراكش وحدة من المدن لي كيتستهلك فيها الموطور بزاف و فيها المىوطور يقضي ليك داكشي لي ماتقضيش الطيارة ..عموما المسألة زادت عن حدها الكوارث لي كيدارو به من كسايد أو البعض لي كيستغلوا لأغراض انحرافية واجرامية .خلاه يخطف الأنظار ولكن غير انظار سلبية واضحى محط حملات و توقيفات وهذا امر عادي لانه الأمر مريب يدعو للحيطة و الاستباقية الامنية وفق احصائيات ومعطيات .. ..الإشكال هنا كاين حتى فالوعي ..الموطوو كموطور كيبقى وسيلة نقل ولكن لا درتي باحتياطيات السلامة ومشيتي فأمان الله و لي قدرها الله ما منها هروب ولكن باش تبوزي وتسابق الزمن بحال لا عندك آلة عبور الزمن شوي صعيبة . بوساقة هو و سي 90 وأنواع صينية اخرى خطفات الأنظار من معشوقة المراكشيين الطروا و قبلها السوينغ وحتى العسلية ماطر زينين ثقال و ديال الدرويش وفالسرعة وخا تجبد مع الطريق كيمشيو معاك فهود الله ..التانك صعيبة و العقلية زادت صعابت فهذا الزمان الاحتياط واجب الارواح لي كتمشي كل يوم ماشي لعبة فاش تركب فموطور دير عقلك و سير بشوي و وطلب السلامة والوالدين حتى هما يعاونوا شوي بالنصيحة و المراقبة والله المستعان.
آراء
